"Manchester Siti" bosh murabbiyi Xosep Gvardiola APL 18-turidan o‘rin olgan "Nottingem Forest"ga (2:1) qarshi safar o‘yinida muxlislarga minnatdorchilik bildirayotgan vaqtda yo‘lini to‘sgan teleoperatorning xatti-harakatidan norozi bo‘ldi.
Ispaniyalik mutaxassis tribuna tomon yurar ekan, "Siti Graund" stadionida kamera ushlagan odamning xatti-harakatlariga hissiyot bilan munosabat bildirdi. Gvardiola ko‘zlarini ola-kula qilib, operatorga qo‘lini cho‘zdi. Keyin u ikki qo‘lini shiddat bilan silkitib, Sky Sports xodimi chetga chiqib, uning yo‘lini bo‘shatishi kerakligini ko‘rsatdi. Operator joyini o‘zgartirgach, Gvardiola mehmonlar tribunasiga yaqinlashib, muxlislar bilan g‘alabani nishonladi.
18 o‘yin natijasiga ko‘ra, Gvardiola jamoasi 40 ochko bilan APL turnir jadvalida 2-o‘rinda bormoqda. Londonning "Arsenal" klubi 42 ochko bilan peshqadamlik qilmoqda.
