"Tottenxem" hamon qishda o‘z safiga yangi vinger qo‘shib olishni rejalashtirmoqda. "Shporlar" "Bornmut"dan Antuan Semenyoga da’vogarlik qilgandi, ammo ganalik uchun kurashda "Manchester Siti" g‘alaba qozondi.
Jurnalist Ekrem Konur xabariga ko‘ra, londonliklar "giloslar" yulduziga muqobil futbolchi sifatida "RB Leypsig"dan 19 yoshli Yan Diomandeni ko‘rmoqda. Yosh yulduzning yuqori narxi muammo tug‘dirishi mumkin - buning uchun 100 million yevrodan ortiq mablag‘ talab qilinadi. Bundan tashqari, ivuarlik futbolchining transferi faqatgina 2026 yilgi jahon chempionatidan keyin amalga oshishi mumkin.
Yan Diomandening Transfermarkt saytidagi taxminiy narxi - 45 mln yevro. Yosh vingerning hisobida "RB Leypsig" safida joriy mavsum 16 o‘yinda yettita gol va to‘rtta samarali uzatma bor.













