Chempionship klubi APLda qiziqish bildirayotgan hujumchisi uchun 200 million funt talab qilmoqda.
Buyuk Britaniyaning The Sun nashri tarqatgan xabarga ko‘ra Angliya chempionatida jon saqlab qolish uchun kurash olib borayotgan "Vest Xem" klubi rahbariyati qishki transferlar vaqtida hujum chizig‘ini kuchaytirmoqchi. Yaqinda "bolg‘achilar" "Koventri"ning 27 yoshli amerikalik markaziy hujumchisi Hoji Raytga qiziqish bildirishgan, biroq rad javobini olishgandi.
Qayd etilishicha, Chempionship vakili o‘z futbolchisi uchun 200 million funt narx belgilagan. Bunday summa har qanday klubni transferdan qo‘rqitishi kerak, shuning uchun "Vest Xem" muzokaralarni davom ettirishi dargumon.
