"Vest Xem" hujumkor yarim himoyachisi Lukas Paketa qishki transferlar davrida jamoani tark etishi mumkin. Bu haqda Football Insider nashri xabar bermoqda.
Manbaga ko‘ra, "bolg‘achilar" braziliyalik futbolchi bo‘yicha yaxshi taklif bo‘lsa, uni yanvarda qo‘yib yuborishga tayyor. Paketaning hozirgi holati "Vest Xem"ni xavotirga solmoqda, shu sababli klubda xavbek bo‘yicha takliflar bo‘lsa, ko‘rib chiqilishi mumkin.
Joriy mavsumda 28 yoshli Paketa barcha musobaqalarda 17ta o‘yinda maydonga tushib, 4ta gol urdi.
Yarim himoyachining "Vest Xem" bilan amaldagi shartnomasi 2027 yilning yozigacha mo‘ljallangan. Transfermarkt mutaxassislari futbolchining narxini 35 million yevroga baholamoqda.













