"Вест Хэм" ҳужумкор ярим ҳимоячиси Лукас Пакета қишки трансферлар даврида жамоани тарк этиши мумкин. Бу ҳақда Football Insider нашри хабар бермоқда.
Манбага кўра, "болғачилар" бразилиялик футболчи бўйича яхши таклиф бўлса, уни январда қўйиб юборишга тайёр. Пакетанинг ҳозирги ҳолати "Вест Хэм"ни хавотирга солмоқда, шу сабабли клубда хавбек бўйича таклифлар бўлса, кўриб чиқилиши мумкин.
Жорий мавсумда 28 ёшли Пакета барча мусобақаларда 17та ўйинда майдонга тушиб, 4та гол урди.
Ярим ҳимоячининг "Вест Хэм" билан амалдаги шартномаси 2027 йилнинг ёзигача мўлжалланган. Transfermarkt мутахассислари футболчининг нархини 35 миллион еврога баҳоламоқда.
