"Roma" Italiya chempionatining 17-turida o‘z maydonida "Jenoa"ni mag‘lub etdi - 3:1.

Birinchi bo‘limda mezbonlar uchta gol urishdi, gollarga argentinalik hujumchi Matias Soule, fransiyalik yarim himoyachi Manu Kone va irlandiyalik hujumchi Evan Fergyuson mualliflik qilishdi. Ikkinchi bo‘lim so‘ngida "Jenoa"ning nigeriyalik forvardi Jeff Exator oradagi farqni 1 taga qisqartirdi.

"Jenoa" ketma-ket uchinchi mag‘lubiyatga uchradi. U Italiya chempionati turnir jadvalida 17 o‘yindan keyin 14 ochko bilan 17-o‘rinda bormoqda. "Roma" ochkolarini 33 taga yetkazib, to‘rtinchi o‘ringa ko‘tarildi.

Keyingi turda "Roma" 3 yanvar kuni "Atalanta" mehmoni bo‘ladi, "Jenoa" 3 yanvar kuni "Piza"ni qabul qiladi.

Roma - Jenoa - 3:1

Gollar: Soule, 14 (1:0). Kone, 19 (2:0). Fergyuson, 31 (3:0). Exator, 87 (3:1)

Roma: Svilar, Siolkovski, Ermoso, Manchini (Gilardi, 74), Kristante (Pizilli, 74), Kone, Uesli Vinisius (Rench, 86), Zeki Chelik, Fergyuson (Dovbik, 86), Soule (El-SHaaravi, 57), Dibala

Jenoa: Sommariva, Estigor (Markandalli, 59), Vaskes, Otoa, Malinovskiy (Kolombo, 59), Frendrup (Masini, 79), Ellertsson, Martin, Norton-Kaffi, Vitinya (Exator, 72), Ekuban (Fini, 59)

Ogohlantirishlar: Frendrup, 50