"Рома" Италия чемпионатининг 17-турида ўз майдонида "Женоа"ни мағлуб этди - 3:1.

Биринчи бўлимда мезбонлар учта гол уришди, голларга аргентиналик ҳужумчи Матиас Соуле, франциялик ярим ҳимоячи Ману Коне ва ирландиялик ҳужумчи Эван Фергюсон муаллифлик қилишди. Иккинчи бўлим сўнгида "Женоа"нинг нигериялик форварди Жефф Эхатор орадаги фарқни 1 тага қисқартирди.

"Женоа" кетма-кет учинчи мағлубиятга учради. У Италия чемпионати турнир жадвалида 17 ўйиндан кейин 14 очко билан 17-ўринда бормоқда. "Рома" очколарини 33 тага етказиб, тўртинчи ўринга кўтарилди.

Кейинги турда "Рома" 3 январь куни "Аталанта" меҳмони бўлади, "Женоа" 3 январь куни "Пиза"ни қабул қилади.

Рома - Женоа - 3:1

Голлар: Соуле, 14 (1:0). Коне, 19 (2:0). Фергюсон, 31 (3:0). Эхатор, 87 (3:1)

Рома: Свилар, Циолковски, Эрмосо, Манчини (Гиларди, 74), Кристанте (Пизилли, 74), Коне, Уэсли Винисиус (Ренч, 86), Зеки Челик, Фергюсон (Довбик, 86), Соуле (Эль-Шаарави, 57), Дибала

Женоа: Соммарива, Эстигор (Маркандалли, 59), Васкес, Отоа, Малиновский (Коломбо, 59), Френдруп (Масини, 79), Эллертссон, Мартин, Нортон-Каффи, Витинья (Эхатор, 72), Экубан (Фини, 59)

Огоҳлантиришлар: Френдруп, 50