"Bavariya" yarim himoyachisi Jamal Musiala og‘ir jarohatidan tiklanishda davom etmoqda.
Bild jurnalisti Tobi Altshefflning ma’lum qilishicha, xavbek yuzaga kelishi mumkin bo‘lgan asoratlarning oldini olish uchun asta-sekin maydonga qaytadi. Futbolchi yanvar oyida to‘laqonli mashg‘ulotlarni boshlashi rejalashtirilgan, u yanvar oyi oxiridayoq maydonga tushishi mumkin. O‘yin vaqti, mashg‘ulotlar shiddati va yuklamalar asta-sekin oshirib boriladi. Musiala Chempionlar Ligasi pley-off bosqichiga qadar eng yaxshi holatda bo‘lishni istaydi.
Eslatib o‘tamiz, Musiala joriy yilning iyul oyida klublar o‘rtasidagi jahon chempionatida "PSJ" darvozaboni Janluiji Donnarumma bilan to‘qnashuvda kichik boldir suyagi singan va to‘pig‘i chiqqan edi.
