"Бавария" ярим ҳимоячиси Жамал Мусиала оғир жароҳатидан тикланишда давом этмоқда.

Bild журналисти Тоби Алтьшеффлнинг маълум қилишича, хавбек юзага келиши мумкин бўлган асоратларнинг олдини олиш учун аста-секин майдонга қайтади. Футболчи январь ойида тўлақонли машғулотларни бошлаши режалаштирилган, у январь ойи охиридаёқ майдонга тушиши мумкин. Ўйин вақти, машғулотлар шиддати ва юкламалар аста-секин ошириб борилади. Мусиала Чемпионлар Лигаси плей-офф босқичига қадар энг яхши ҳолатда бўлишни истайди.

Эслатиб ўтамиз, Мусиала жорий йилнинг июль ойида клублар ўртасидаги жаҳон чемпионатида "ПСЖ" дарвозабони Жанлуижи Доннарумма билан тўқнашувда кичик болдир суяги синган ва тўпиғи чиққан эди.