Madridning “Real” klubi joriy mavsumda yarim himoyadagi muammolardan aziyat chekmoqda. Fichajes nashri xabariga ko‘ra, jamoa ichida Luka Modrich bilan xayrlashish qarori xato bo‘lgani haqidagi fikrlar tobora kuchaymoqda.
Xabi Alonso boshqaruvidagi “Real Madrid” hozircha o‘yinni to‘liq nazorat qila olmayapti. Jamoa to‘pni ushlab turish, hujumlarni izchil tashkil etish va o‘yin ritmini boshqarishda qiyinchiliklarga duch kelmoqda. Bu kamchiliklar, ayniqsa, yarim himoyada yaqqol sezilmoqda.
Mutaxassislar ta’kidlashicha, “qirollik klubi” hozirda individual mahoratga, xususan, Kilian Mbappening o‘yiniga ortiqcha tayanib qolgan. Fransiyalik hujumchi muhim gollar bilan jamoani qo‘llab-quvvatlayotgan bo‘lsa-da, bunday model uzoq muddatda barqaror yechim sifatida baholanmayapti. Mbappe maydonga tushmagan uchrashuvlarda esa jamoa aniq o‘yin rejasisiz qolmoqda.
Shu bilan birga, “Real Madrid” himoyada ham muammolarga duch kelmoqda. Chiziqlar o‘rtasidagi muvozanatning yetishmasligi sababli himoya tez-tez ochiq qolmoqda. Bu holat markaziy yarim himoyachilar na himoyaviy, na hujumkor funksiyalarni to‘liq bajara olayotgani bilan izohlanmoqda.
Bu paytda yozda klubni tark etgan Luka Modrich “Milan” safida muvaffaqiyatli mavsum o‘tkazmoqda. Xorvatiyalik yarim himoyachining “San-Siro”dagi o‘yinlari Italiya klubining A Seriyada yetakchi o‘rinlar uchun kurashida muhim rol o‘ynamoqda. “Milan” hozirda peshqadamdan atigi bir ochko ortda bormoqda.
Manbalarga ko‘ra, klub rahbariyati va muxlislar orasida Modrich bilan shartnomani uzaytirmaslik qarori shoshma-shosharlik bilan qabul qilingani haqidagi fikrlar kuchayib bormoqda. “Real” tarkibni yoshartirish va yarim himoyani yangi futbolchilarga topshirishni rejalashtirgan edi, biroq hozircha hech kim xorvatiyalik futbolchi bajargan rolni to‘liq uddalay olmadi.
Ma’lumot uchun, 40 yoshli Modrich joriy mavsumda “Milan” safida barcha musobaqalar doirasida 15 ta uchrashuvda maydonga tushib, 1 ta gol va 2 ta golli uzatma muallifi bo‘ldi. Hozirda uning transfer qiymati 4 million yevroga baholanmoqda.
| 29/12 00:45 | Atalanta | 0-1 | Inter | ||
| 30/12 00:45 | Roma | 3-1 | Jenoa | ||
| 31/12 00:30 | Byornli | - | Nyukasl | ||
| 31/12 00:30 | Chelsi | - | Bornmut | ||
| 31/12 00:30 | Nottingem Forest | - | Everton | ||
| 31/12 00:30 | Vest Xem | - | Brayton | ||
| 31/12 01:15 | Arsenal | - | Aston Villa | ||
| 31/12 01:15 | Man. Yunayted | - | Vulverhempton |
Yil afsusi — “Real Madrid” Modrichning o‘rnini to‘ldira olmadi
Yil afsusi — “Real Madrid” Modrichning o‘rnini to‘ldira olmadi
| Baho: |
+1 | -
|
Rukn: Yangiliklar
Manba: daryo.uz
Kiritildi: 21:22, 30.12.2025.
O'qildi: 506 marta.
Fikrlar: 10 ta.
O'qildi: 506 marta.
Fikrlar: 10 ta.
Eng ko'p o'qilgan yangiliklar
«Real» 70 million yevro miqdoridagi rasmiy transfer taklifini oldi [3194]
Brunu Fernandesh "Manchester Yunayted"da boshqa o‘ynamasligi mumkin [2991]
"Real"da Gyuler bilan o‘tkazilgan tajriba muvaffaqiyatsiz deb topildi - unga o‘rinbosar izlanmoqda [2471]
"Real" Vinisius va yana ikki yulduzga shubha bilan qaramoqda [1937]
"Real" rahbariyati Alonsoning talabini yerda qoldirdi [1879]
"Manchester Yunayted" qadriga yetmagan yulduzini yana jamoaga qaytarmoqchi [1787]
Serxio Ramos Yevropaga qaytishga yaqin va yangi klub bilan aniq muzokaralar olib bormoqda [1731]
Dunyoning eng qimmat himoyachilari ro‘yxati (top-10) [1657]
"Manchester Siti" markaziy himoyachisi uchun narx belgiladi [1654]
| Asosiy saxifa |
|
© STADION.UZ Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart. Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar. |
|
|