"Real" va Vinisius Junior shartnomani uzaytirish bo‘yicha muzokaralarni davom ettiradi.

Klublar o‘rtasidagi jahon chempionatidan keyin bu mavzudagi muhokamalar to‘xtab qolgandi - braziliyalik futbolchi so‘ragan maoshni klub juda yuqori deb hisobladi. Biroq tez orada "Real" yana futbolchi bilan bog‘lanishi kutilmoqda, deb yozadi AS.

Qayd etilishicha, madridliklar futbolchini olib qolish niyatida, Vinisiusning o‘zi ham qolishni istamoqda. Tomonlar o‘rtasidagi amaldagi kelishuv 2027 yilgacha mo‘ljallangan.

Bugungi holatga ko‘ra, vinger "Real" taklif qilayotganidan 15 foiz ko‘proq maosh so‘ramoqda.

Vinisius joriy mavsum La Ligada 18 ta o‘yinda maydonga tushib, 5 ta gol va 5 ta golli uzatmaga mualliflik qildi.