"Sanderlend" jamoasi bosh murabbiyi Rejis le Bris "Arsenal"ning "Manchester Siti"dan farqi nimada ekanligini aytib o‘tdi.

Payshanba kuni "qora mushuklar" "shaharliklar" bilan durang o‘ynadi (0:0) va "kanonirlar"ga jadvalda "Siti" bilan oradagi farqni yana ikki ochkoga oshirish imkonini bermadi.

"Umumiy qilib aytganda, "Arsenal"ni "Manchester Siti"dan ko‘ra sovuqqonroq jamoa deb atagan bo‘lardim. Hozir "Siti" avvalgidek o‘ynamayotgan bo‘lsa ham, baribir Gvardiolaning ta’siri seziladi. Arteta ham ispaniyalik, ammo ular o‘rtasida o‘yin tuzilishida farqlar bor," - deydi Le Bris intervyuda.

"Sanderlend" kutilganidan ham a’lo natija qayd etdi va mavsumning birinchi qismini APL turnir jadvalida yettinchi o‘rinda yakunladi.