"Chelsi" futbolchilari Enso Mareska ketganidan keyin Liam Rosenyor bosh murabbiy etib tayinlanishini kutmoqda.
Avvalroq, "Strasburg"ni boshqarayotgan Rosenyor London klubi uchun asosiy nomzod ekani haqida xabarlar tarqalgan edi.
"Strasburg", "Chelsi" singari, BlueCO guruhiga tegishli. Rosenyor avval ham London klubi rahbariyati vakillari bilan aloqada bo‘lgan.
The Telegraph nashrining ma’lum qilishicha, "ko‘klar"ning bir necha yetakchi futbolchilari Rosenyorning kelishi mumkinligini muhokama qilishgan va aynan u murabbiylikka asosiy da’vogar ekani haqida signallar olishgan.
"Chelsi" mashg‘ulot maydonida ishlashga yo‘naltirilgan va klub falsafasiga mos keladigan yosh mutaxassisga ishonch bildirmoqchi.
Nomzodlar ro‘yxatida "Portu" ustozi Franchesko Farioli ham bor, ammo uni mavsum davomida qo‘lga kiritish oson bo‘lmasligi mumkin.
