"Челси" футболчилари Энцо Мареска кетганидан кейин Лиам Росеньор бош мураббий этиб тайинланишини кутмоқда.
Аввалроқ, "Страсбург"ни бошқараётган Росеньор Лондон клуби учун асосий номзод экани ҳақида хабарлар тарқалган эди.
"Страсбург", "Челси" сингари, BlueCO гуруҳига тегишли. Росеньор аввал ҳам Лондон клуби раҳбарияти вакиллари билан алоқада бўлган.
The Telegraph нашрининг маълум қилишича, "кўклар"нинг бир неча етакчи футболчилари Росеньорнинг келиши мумкинлигини муҳокама қилишган ва айнан у мураббийликка асосий даъвогар экани ҳақида сигналлар олишган.
"Челси" машғулот майдонида ишлашга йўналтирилган ва клуб фалсафасига мос келадиган ёш мутахассисга ишонч билдирмоқчи.
Номзодлар рўйхатида "Порту" устози Франческо Фариоли ҳам бор, аммо уни мавсум давомида қўлга киритиш осон бўлмаслиги мумкин.
