"Chelsi" vingeri Pedru Netu Enso Mareskaning klubdan ketishi haqidagi fikrlari bilan o‘rtoqlashdi. Italiyalik murabbiy 2026 yilning birinchi kunida lavozimini tark etdi. Mutaxassis bir yarim yil davomida lavozimda ishlagan.
"Buni eshitib, biroz hayron bo‘ldim, chunki murabbiy o‘zini juda yaxshi ko‘rsatayotgandi. O‘tgan mavsumni uning qo‘l ostida aql bovar qilmaydigan darajada o‘tkazdik, bu mavsumda ham yaxshi natijalarga erishdik.
Men uchun bu qayg‘uli. Enso menga ko‘p yordam berdi, undan ko‘p narsa o‘rgandim. Inson sifatida ham u juda yaxshi. Unga faqat minnatdorchilik bildirishim mumkin," - dedi Netu Sky Sports nashriga bergan intervyusida.
"Chelsi"da Enso Mareska o‘rniga asosiy nomzod sifatida hozirda "Strasburg"da ishlayotgan Liam Rosenyor ko‘rilmoqda.
