"Челси" вингери Педру Нету Энцо Маресканинг клубдан кетиши ҳақидаги фикрлари билан ўртоқлашди. Италиялик мураббий 2026 йилнинг биринчи кунида лавозимини тарк этди. Мутахассис бир ярим йил давомида лавозимда ишлаган.
"Буни эшитиб, бироз ҳайрон бўлдим, чунки мураббий ўзини жуда яхши кўрсатаётганди. Ўтган мавсумни унинг қўл остида ақл бовар қилмайдиган даражада ўтказдик, бу мавсумда ҳам яхши натижаларга эришдик.
Мен учун бу қайғули. Энцо менга кўп ёрдам берди, ундан кўп нарса ўргандим. Инсон сифатида ҳам у жуда яхши. Унга фақат миннатдорчилик билдиришим мумкин," - деди Нету Sky Sports нашрига берган интервьюсида.
"Челси"да Энцо Мареска ўрнига асосий номзод сифатида ҳозирда "Страсбург"да ишлаётган Лиам Росеньор кўрилмоқда.
