"Tottenxem"ning portugaliyalik yarim himoyachisi Joau Palinya joriy mavsum yakunlangach, "Bavariya"ga qaytishi mumkin.

TEAMtalk nashri tarqatgan xabarga ko‘ra, "Tottenxem"da futbolchining shartnomasini sotib olish bo‘yicha hali bir qarorga kelinmagan. Xavbekning o‘zi esa mavsum yakunlangach ham Londonda qolishni istayotganini yaqqol sezdirib qo‘ydi. Ta’kidlanishicha, Palinyaning kelajagi ko‘p jihatdan Tomas Frank uchun mavsumning qolgan qismi qanday bo‘lishiga bog‘liq bo‘ladi.

Joriy mavsumda 30 yoshli Palinya barcha musobaqalarda 25 ta o‘yinda maydonga tushib, raqiblar darvozasini to‘rt marta ishg‘ol qildi va uchta golli uzatmani amalga oshirdi.

Transfermarkt portali mutaxassislari yarim himoyachining narxini 25 million yevroga baholamoqda.