Madridning "Real" klubi va Ispaniya terma jamoasi sobiq darvozaboni Iker Kasilyas hozirda "qaymoqranglilar" bosh murabbiyi sifatida ishlayotgan Xabi Alonso haqida fikr bildirdi.
«Men Alonsoga nisbatan tanqidni mutlaqo adolatsiz deb hisoblayman. U futbolni yaxshi biladigan, tushunadigan odam. Xabiga achinaman va bunday vaziyatlarga toqat qilolmayman, chunki ularni tushunolmayman.
Bilaman, "Madrid" atrofida matbuotda tinimsiz shov-shuv ko‘tariladi, ammo hozir faqat yanvar, odamlar esa buni tushunmaydi, shekilli. Yakuniy baholarni faqat iyun oyida qo‘yish kerak», - dedi Kasilyas.
