"Al-Hilol"ning o‘ng qanot himoyachisi Joau Kanselu yaqin kunlarda kelajagi borasida bir qarorga kelishi kerak.
Portugaliyalik uchun asosiy da’vogar Milanning "Inter" klubi bo‘lib qolmoqda, shuningdek, "Barselona" ham poygada ishtirok etmoqda. "Neradzurrilar" allaqachon Saudiya klubi bilan sotib olish imkoniyati bilan ijaraga olish bo‘yicha kelishib bo‘lgan - Kanseluning roziligini olish qolgan. Inter Xtra Saudiya Arabistoni OAVlariga tayanib xabar berishicha, "Inter" seshanba kunigacha futbolchidan javob kutmoqda - aks holda kelishuv barbod bo‘ladi.
Joau Kanselu "Barselona" variantini ma’qul ko‘rmoqda. Ko‘rinib turibdiki, 31 yoshli futbolchi "ko‘k-anorranglilar" aniq taklif bilan chiqmasa, milanliklar safiga qo‘shilishga rozi bo‘ladi.
