"Ал-Ҳилол"нинг ўнг қанот ҳимоячиси Жоау Канселу яқин кунларда келажаги борасида бир қарорга келиши керак.
Португалиялик учун асосий даъвогар Миланнинг "Интер" клуби бўлиб қолмоқда, шунингдек, "Барселона" ҳам пойгада иштирок этмоқда. "Нерадзуррилар" аллақачон Саудия клуби билан сотиб олиш имконияти билан ижарага олиш бўйича келишиб бўлган - Канселунинг розилигини олиш қолган. Inter Xtra Саудия Арабистони ОАВларига таяниб хабар беришича, "Интер" сешанба кунигача футболчидан жавоб кутмоқда - акс ҳолда келишув барбод бўлади.
Жоау Канселу "Барселона" вариантини маъқул кўрмоқда. Кўриниб турибдики, 31 ёшли футболчи "кўк-анорранглилар" аниқ таклиф билан чиқмаса, миланликлар сафига қўшилишга рози бўлади.
