"Barselona" hujumchisi Robert Levandovski faoliyatini yakunlash ehtimoliga munosabati haqida gapirdi.
Polshalik hujumchining so‘zlariga ko‘ra, u bu lahzadan qo‘rqmayapti va allaqachon futboldan keyingi hayot haqida o‘ylamoqda.
«Faoliyatimni yakunlashdan qo‘rqmayman, chunki bunga tayyorgarlikni boshlayapman. Futbol hayotimning juda muhim qismi, lekin bu mening butun hayotim emas. Agar bir kun kelib tanam o‘zgarganini his qilsam, faoliyatimni yakunlashga tayyor bo‘laman», - deya futbolchining so‘zlarini keltiradi Mundo Deportivo.
Levandovski yana bir necha yil o‘ynashi mumkinligini ham tan oldi.
Futbolchi La Liganing joriy mavsumida 14 ta bahsda qatnashib, 9 ta gol urdi va 2 ta golli uzatmani amalga oshirdi. Uning klub bilan shartnomasi yozgacha amal qiladi.
