Shotlandiyaning "Seltik" klubi mavsumda ikkinchi marta jamoaga mos bosh murabbiy qidirishni boshladi. Fransiyalik mutaxassis Vilfrid Nansi bir oylik faoliyatidan so‘ng lavozimini tark etdi.
"Ipsvich"ni boshqarayotgan shimoliy irlandiyalik mutaxassis Kiran Makkenna Brendan Rojers ketganidan keyin "Seltik"ni boshqarishga yaqin edi va endi uning nomzodi yana e’tibor markazida turibdi, deb xabar beradi Impartial Reporter.
Hozirda Makkenna "Manchester Yunayted" bosh murabbiyligiga da’vogarlar qatorida ham bor, chunki u yaqin o‘tmishda ushbu jamoa murabbiylar shtabida ishlagan.
Makkennadan tashqari, "Seltik" rahbariyati Martin O'Nil, Shon Meloni, Ange Postekoglu, Brayan Barri-Myorfi va Robbi Kin kabi mutaxassislarni ham ko‘rib chiqmoqda.
Hozirda "Seltik" 38 ochko bilan chempionatda 2-o‘rinda bormoqda va "Xarts"dan 6 ochko ortda qolmoqda.
