Jahondagi eng nufuzli insayderlardan biri sanaladigan Orshteynning ma’lum qilishicha, Ruben Amorim iste’fosidan so‘ng «Manchester Yunayted» bosh murabbiyi lavozimi uchun ikki asosiy nomzod bor.
Jurnalistning aytishicha, agar manchesterliklar murabbiy tayinlashni yozga qoldirishga qaror qilsa, Tomas Tuxel hamda Roberto De Dzerbi yetakchi nomzodlar sifatida ko‘rilmoqda.
Ayni paytda Tomas Tuxel Angliya milliy terma jamoasi bosh murabbiyi hisoblanadi va 2026 yilgi jahon chempionatida jamoa bilan ishlaydi. Roberto De Dzerbi esa Fransiya chempionatida yuqori natijalar ko‘rsatayotgan «Marsel» klubini boshqarib kelmoqda.
Eslatib o‘tamiz, Ruben Amorim kecha «MYU» bosh murabbiyi lavozimidan ozod etilgan edi.













