Londonning "Fulxem" klubi Ruben Amorimni iste’foga chiqargan "Manchester Yunayted" o‘z jamoasining hozirgi ustozi Marku Silvani o‘z safiga qo‘shib olishi mumkinligidan xavotirda. Bu haqda Sun Sport xabar bermoqda.
Poytaxt klubida "qizil iblislar" vakillari bilan bo‘lib o‘tishi mumkin bo‘lgan muzokara jarayoniga tayyorgarlik ko‘rilmoqda. 48 yoshli portugaliyalikning "Fulxem" bilan mehnat shartnomasi 2026 yilning yozigacha mo‘ljallangan. Silva 2021 yil iyul oyidan beri London jamoasida ishlaydi.
Angliya chempionatida o‘tkazilgan 20 o‘yindan so‘ng londonliklar 28 ochko bilan turnir jadvalida o‘ninchi o‘rinni egallab turibdi. "Manchester Yunayted" esa o‘z navbatida oltinchi o‘rinda bormoqda. "Qizil iblislar" hisobida 31 ochko bor.
