Лондоннинг "Фулхэм" клуби Рубен Аморимни истеъфога чиқарган "Манчестер Юнайтед" ўз жамоасининг ҳозирги устози Марку Силвани ўз сафига қўшиб олиши мумкинлигидан хавотирда. Бу ҳақда Sun Sport хабар бермоқда.
Пойтахт клубида "қизил иблислар" вакиллари билан бўлиб ўтиши мумкин бўлган музокара жараёнига тайёргарлик кўрилмоқда. 48 ёшли португалияликнинг "Фулхэм" билан меҳнат шартномаси 2026 йилнинг ёзигача мўлжалланган. Силва 2021 йил июль ойидан бери Лондон жамоасида ишлайди.
Англия чемпионатида ўтказилган 20 ўйиндан сўнг лондонликлар 28 очко билан турнир жадвалида ўнинчи ўринни эгаллаб турибди. "Манчестер Юнайтед" эса ўз навбатида олтинчи ўринда бормоқда. "Қизил иблислар" ҳисобида 31 очко бор.
