"Manchester Siti" himoyachisi Yoshko Gvardiol og‘ir jarohati fonida bayonot berdi.

"Bu og‘ir lahza, lekin u meni hech qachon sindirmaydi. Kimligimni, qayerdan kelganimni bilaman! Cheksiz qo‘llab-quvvatlov uchun "Siti" muxlislariga rahmat! Men sizni yaxshi ko‘raman va "Manchester Siti" jangchisi kabi kuchliroq bo‘lib qaytish uchun har kuni kurashaman," - deb yozdi Gvardiol ijtimoiy tarmoqda.

Avvalroq, "Manchester Siti" Yoshko Gvardiolning o‘ng oyog‘i katta boldir suyagi singanini ma’lum qilgandi. Jarohat APL doirasidagi "Chelsi"ga (1:1) qarshi o‘yinning ikkinchi bo‘limida olindi. Himoyachi shu haftada operasiya qilinishi kerak. Shikastlanish darajasini va tiklanish muddatlari bo‘yicha prognozni aniqlash uchun tekshiruv davom etmoqda.