"Манчестер Сити" ҳимоячиси Йошко Гвардиол оғир жароҳати фонида баёнот берди.
"Бу оғир лаҳза, лекин у мени ҳеч қачон синдирмайди. Кимлигимни, қаердан келганимни биламан! Чексиз қўллаб-қувватлов учун "Сити" мухлисларига раҳмат! Мен сизни яхши кўраман ва "Манчестер Сити" жангчиси каби кучлироқ бўлиб қайтиш учун ҳар куни курашаман," - деб ёзди Гвардиол ижтимоий тармоқда.
Аввалроқ, "Манчестер Сити" Йошко Гвардиолнинг ўнг оёғи катта болдир суяги синганини маълум қилганди. Жароҳат АПЛ доирасидаги "Челси"га (1:1) қарши ўйиннинг иккинчи бўлимида олинди. Ҳимоячи шу ҳафтада операция қилиниши керак. Шикастланиш даражасини ва тикланиш муддатлари бўйича прогнозни аниқлаш учун текширув давом этмоқда.
