Londonning "Chelsi" klubi yangi bosh murabbiyi Liam Rosenyor "ko‘klar"ning asosiy jamoasi bosh murabbiyi etib tayinlangani haqida fikr bildirdi. Angliyalik mutaxassisning "Chelsi" bilan shartnomasi 2032 yil yozigacha mo‘ljallangan.

"Men uchun "Chelsi" bosh murabbiyi etib tayinlanish katta sharaf. Bu o‘ziga xos ruhiyat va sovrinlarni qo‘lga kiritish bo‘yicha boy tarixga ega klub. Mening vazifam - bu o‘ziga xoslikni saqlab qolish va har bir o‘yinda bu qadriyatlarni aks ettiradigan jamoa yaratish, biz esa sovrinlarni qo‘lga kiritishda davom etamiz. Menga bu vazifani ishonib topshirishgani men uchun juda katta ahamiyatga ega, menga berilgan imkoniyat va bu vazifani uddalay olishimga bo‘lgan ishonch uchun barcha ishtirokchilarga minnatdorchilik bildirmoqchiman.

Bu klub munosib bo‘lgan muvaffaqiyatga erishish uchun hamma narsani qilaman. Men jamoaviy ish, birdamlik, hamjihatlik va o‘zaro yordamga chuqur ishonaman va bu qadriyatlar biz qilayotgan barcha ishlarning asosini tashkil etadi. Ular muvaffaqiyatimiz poydevori bo‘ladi. Nihoyatda iqtidorli futbolchilar va xodimlar guruhi bilan ishlash, maydonda va uning tashqarisida mustahkam aloqalarni o‘rnatish va hamma o‘zini birdek his qiladigan va bir maqsad sari intiladigan muhitni yaratish imkoniyatidan mamnunman", - deya Rosenyorning so‘zlarini keltiradi "Chelsi" rasmiy sayti.