Лондоннинг "Челси" клуби янги бош мураббийи Лиам Росеньор "кўклар"нинг асосий жамоаси бош мураббийи этиб тайинлангани ҳақида фикр билдирди. Англиялик мутахассиснинг "Челси" билан шартномаси 2032 йил ёзигача мўлжалланган.
"Мен учун "Челси" бош мураббийи этиб тайинланиш катта шараф. Бу ўзига хос руҳият ва совринларни қўлга киритиш бўйича бой тарихга эга клуб. Менинг вазифам - бу ўзига хосликни сақлаб қолиш ва ҳар бир ўйинда бу қадриятларни акс эттирадиган жамоа яратиш, биз эса совринларни қўлга киритишда давом этамиз. Менга бу вазифани ишониб топширишгани мен учун жуда катта аҳамиятга эга, менга берилган имконият ва бу вазифани уддалай олишимга бўлган ишонч учун барча иштирокчиларга миннатдорчилик билдирмоқчиман.
Бу клуб муносиб бўлган муваффақиятга эришиш учун ҳамма нарсани қиламан. Мен жамоавий иш, бирдамлик, ҳамжиҳатлик ва ўзаро ёрдамга чуқур ишонаман ва бу қадриятлар биз қилаётган барча ишларнинг асосини ташкил этади. Улар муваффақиятимиз пойдевори бўлади. Ниҳоятда иқтидорли футболчилар ва ходимлар гуруҳи билан ишлаш, майдонда ва унинг ташқарисида мустаҳкам алоқаларни ўрнатиш ва ҳамма ўзини бирдек ҳис қиладиган ва бир мақсад сари интиладиган муҳитни яратиш имкониятидан мамнунман", - дея Росеньорнинг сўзларини келтиради "Челси" расмий сайти.
