"Roma"ning ukrainalik markaziy hujumchisi Artyom Dovbik faoliyatini Italiyaning boshqa bir klubi - "Napoli"da davom ettirishi mumkin.
Jurnalist Janluka di Marsio xabariga ko‘ra, neapolliklar Rim klubi rejalariga kiritilmagan hujumchini ijaraga olishi mumkin. Kelishuv Lissabonning "Benfika" klubi nishonida turgan "Napoli" hujumchisi Lorenso Lukka jamoani tark etgan taqdirda amalga oshishi mumkin bo‘ladi.
Dovbik joriy mavsum "bo‘rilar" safida 16 ta o‘yinda maydonga tushdi va o‘z hisobiga 2 ta gol hamda 2 ta golli uzatma yozdirib qo‘yishga erishdi. Ukrainalikning rimliklar bilan mehnat shartnomasi 2029 yilda tugaydi. Uning bozor qiymati 20 million yevroni tashkil etadi.
