"Pari Sen-Jermen" bosh murabbiyi Luis Enrike Kilian Mbappe haqida fikr bildirdi. Fransiyalik hujumchi 2023/24 yilgi mavsumda ispaniyalik murabbiy qo‘l ostida to‘p tepdi, shundan so‘ng u erkin agent sifatida Madridning "Real" klubiga o‘tdi.
"Mbappe - o‘ziga xos xarakterga ega ajoyib futbolchi. U insonparvar, kamtar, xotirjam - bunday sifatlar bunday darajadagi futbolchilarda kamdan-kam uchraydi. U "Real"ga ketgani juda achinarli, ayniqsa, biz uchun oson bo‘lmagan paytda. Lekin bu o‘yinning bir qismi. Umid qilamanki, Kilianning ahvoli yaxshi. Unga hech qanday e’tirozim yo‘q. U har doim o‘zini xushmuomala va hurmat bilan tutgan, uning ota-onasi va ukasi ham shunday," - deya Enrikening so‘zlarini keltiradi Madrid Universal.
