"Пари Сен-Жермен" бош мураббийи Луис Энрике Килиан Мбаппе ҳақида фикр билдирди. Франциялик ҳужумчи 2023/24 йилги мавсумда испаниялик мураббий қўл остида тўп тепди, шундан сўнг у эркин агент сифатида Мадриднинг "Реал" клубига ўтди.
"Мбаппе - ўзига хос характерга эга ажойиб футболчи. У инсонпарвар, камтар, хотиржам - бундай сифатлар бундай даражадаги футболчиларда камдан-кам учрайди. У "Реал"га кетгани жуда ачинарли, айниқса, биз учун осон бўлмаган пайтда. Лекин бу ўйиннинг бир қисми. Умид қиламанки, Килианнинг аҳволи яхши. Унга ҳеч қандай эътирозим йўқ. У ҳар доим ўзини хушмуомала ва ҳурмат билан тутган, унинг ота-онаси ва укаси ҳам шундай," - дея Энрикенинг сўзларини келтиради Madrid Universal.
