"Milan" rahbariyati qishki transfer oynasida jamoa himoya chizig‘ini kuchaytirmoqchi. Bu haqda Calciomercato jurnalistlari xabar bermoqda.

Manbaga ma’lum bo‘lishicha, Italiya top-klubi manfaatlari doirasida bir necha himoyachi bor. "Rossonerilar" Jo Gomes ("Liverpul"), Murilo ("Nottingem Forest") va "Bavariya" sharafini himoya qilayotgan Kim Min Chje nomzodlarini ko‘rib chiqmoqda.

Bugun, 8 yanvar holatiga ko‘ra, milanliklar 38 ochko bilan Italiya chempionati turnir jadvalida 2-o‘rinni egallab turibdi. "Rossonerilar" peshqadam "Inter"dan 4 ochko ortda qolmoqda, ammo bitta zaxira o‘yini bor.