«Real» vingeri Rodrigo Ispaniya Superkubogi yarim finalida «Atletiko»ga qarshi o‘yindan (2:1) so‘ng, golsiz seriyasi 19 ta o‘yinga yetgan Vinisius haqida fikr bildirdi.

Vinisius uchrashuvning 81-daqiqasida almashtirildi. Shundan so‘ng u raqib jamoa bosh murabbiyi Diyego Simeone bilan og‘zaki tortishuvga kirishdi.

«Vinisiusda hammasi joyida. Albatta, hujumchi doimo gol urishni istaydi, ammo agar ma’lum bir davrda gollar bo‘lmasa, jamoaga boshqa usullar bilan yordam berish kerak. U jamoa uchun mehnat qilyapti, gollar albatta qaytib keladi, chunki ular har doim qaytib keladi», — dedi Rodrigo.