"Manchester Yunayted" Ruben Amorim iste’foga chiqarilgach, yangi bosh murabbiy qidirmoqda.
Jurnalist Dunkan Kastelsning yozishicha, "qizil iblislar" klubning yangi ustozi lavozimiga Karlo Anchelotti va Maurisio Pochettinoni short-listga kiritgan. "MYU" yozda bo‘lib o‘tadigan jahon chempionatidan keyin ulardan birini tayinlash variantini ko‘rib chiqishga tayyor. Gap shundaki, hozirda Anchelotti Braziliya terma jamoasini, Pochettino esa AQSH terma jamoasini boshqarmoqda. Ikkala terma jamoa ham JCH-2026da ishtirok etadi.
Eslatib o‘tamiz, 2015 yilda Anchelotti "Real"ni tark etgach, murabbiylik faoliyatini yakunlashdan oldin bir kun kelib "Manchester Yunayted"ni boshqarishni istashini aytgan edi.
