"Манчестер Юнайтед" Рубен Аморим истеъфога чиқарилгач, янги бош мураббий қидирмоқда.
Журналист Дункан Кастелснинг ёзишича, "қизил иблислар" клубнинг янги устози лавозимига Карло Анчелотти ва Маурисио Почеттинони шорт-листга киритган. "МЮ" ёзда бўлиб ўтадиган жаҳон чемпионатидан кейин улардан бирини тайинлаш вариантини кўриб чиқишга тайёр. Гап шундаки, ҳозирда Анчелотти Бразилия терма жамоасини, Почеттино эса АҚШ терма жамоасини бошқармоқда. Иккала терма жамоа ҳам ЖЧ-2026да иштирок этади.
Эслатиб ўтамиз, 2015 йилда Анчелотти "Реал"ни тарк этгач, мураббийлик фаолиятини якунлашдан олдин бир кун келиб "Манчестер Юнайтед"ни бошқаришни исташини айтган эди.
