"Lion"ga ijara asosida o‘tgan "Real" hujumchisi Endrik Xabi Alonso haqidagi fikrlari bilan o‘rtoqlashdi.
"Qaymoqranglilar" bosh murabbiyi 19 yoshli braziliyalikni mavsumning birinchi yarmida deyarli maydonga tushirmadi, shu sababli klub hujumchini o‘yin amaliyoti uchun ijaraga berishga qaror qildi.
"Men Alonso bilan tez-tez gaplashib turardim. U ko‘plab sovrinlarni qo‘lga kiritdi, Ispaniya terma jamoasi bilan jahon chempioni bo‘ldi. Undan ko‘p narsa o‘rganishim mumkinligini bilaman. Bunday insonlar meni yaxshiroq bo‘lishimga yordam berishlarini istardim. Umid qilamanki, bir kun kelib men ham Braziliya terma jamoasi safida jahon chempioni bo‘laman," - deya Endrikning so‘zlarini keltiradi Madrid Xtra.
Yosh futbolchining ijarasi joriy mavsum yakuniga qadar mo‘ljallangan.













