"Лион"га ижара асосида ўтган "Реал" ҳужумчиси Эндрик Хаби Алонсо ҳақидаги фикрлари билан ўртоқлашди.
"Қаймоқранглилар" бош мураббийи 19 ёшли бразилияликни мавсумнинг биринчи ярмида деярли майдонга туширмади, шу сабабли клуб ҳужумчини ўйин амалиёти учун ижарага беришга қарор қилди.
"Мен Алонсо билан тез-тез гаплашиб турардим. У кўплаб совринларни қўлга киритди, Испания терма жамоаси билан жаҳон чемпиони бўлди. Ундан кўп нарса ўрганишим мумкинлигини биламан. Бундай инсонлар мени яхшироқ бўлишимга ёрдам беришларини истардим. Умид қиламанки, бир кун келиб мен ҳам Бразилия терма жамоаси сафида жаҳон чемпиони бўламан," - дея Эндрикнинг сўзларини келтиради Madrid Xtra.
Ёш футболчининг ижараси жорий мавсум якунига қадар мўлжалланган.
