"Roma" va "Marsel" klublari o‘rtasida hujumchi Robinyo Vaz transferi bo‘yicha muzokaralar qizg‘in pallaga kirgan. Bu haqda jurnalist Janluka Di Marsioning xabar berdi.
Ko‘proq o‘ynashni istagan 18 yoshli fransuzga Germaniya va Angliyada bir necha jamoa da’vogarlik qilmoqda. Shuning uchun ham "Roma" jarayonni tezlashtirib, "Marsel"ning futbolchi borasidagi talablariga yaqinlashishga harakat qilmoqda.
Joriy mavsumda 19 ta o‘yinda Robinio 4 ta gol urdi va 2 ta golli uzatmani amalga oshirdi. Transfermarkt portali Fransiyaning yoshlar va o‘smirlar terma jamoalarida o‘ynagan futbolchining narxini 10 million yevroga baholamoqda.
