Hujumchi Karim Benzemaning "Al-Ittihod" bilan amaldagi shartnomasi joriy mavsum yakuniga qadar mo‘ljallangan. Saudiya klubi direktori Ramon Planes Benzemaning kelajagi haqidagi savolga javob berdi.
"Benzema qolishni istaydi, u faoliyatini Saudiya Arabistoni va "Al-Ittihod"da davom ettirishga qaror qilgan. U bu yerda jiddiy loyiha va yaxshi futbolchilar borligini ko‘rib turibdi," - dedi Planes ABC’ga.
Dekabr oyida 38 yoshli Karim Benzema o‘zining kelajagi haqidagi savollarga aniq javob bermagan edi. Fransuz butun diqqat-e’tiborini hozirgi kunga qaratganini aytgandi.













