Ҳужумчи Карим Бенземанинг "Ал-Иттиҳод" билан амалдаги шартномаси жорий мавсум якунига қадар мўлжалланган. Саудия клуби директори Рамон Планес Бенземанинг келажаги ҳақидаги саволга жавоб берди.
"Бензема қолишни истайди, у фаолиятини Саудия Арабистони ва "Ал-Иттиҳод"да давом эттиришга қарор қилган. У бу ерда жиддий лойиҳа ва яхши футболчилар борлигини кўриб турибди," - деди Планес ABC’га.
Декабрь ойида 38 ёшли Карим Бензема ўзининг келажаги ҳақидаги саволларга аниқ жавоб бермаган эди. Француз бутун диққат-эътиборини ҳозирги кунга қаратганини айтганди.
