Yakshanba kuni Madridning "Real" klubi Ispaniya Superkubogi finalida "Barselona"ga qarshi bahs olib boradi. Vinisius Junior hal qiluvchi o‘yinlardagi sermahsulligi bilan tanilgan va yaqinlashib kelayotgan "el-klasiko"da u finallarda gollarda ishtirok etish bo‘yicha klub rekordini takrorlashi mumkin (16). Ayni damda Krishtianu Ronaldu, Karim Benzema va Ferens Pushkash rekordchi bo‘lib qolmoqda, ammo Vinisius ulardan atigi bitta golga ortda qolmoqda - u final uchrashuvlarida 15 ta gol va golli uzatmaga ega.

Eslatib o‘tamiz, braziliyalik futbolchi "Real" va Braziliya terma jamoasi safida so‘nggi 19 o‘yinda birorta ham gol urmagan. "Atletiko" bilan yarim final o‘yinida u o‘yin oxirida zaxiraga olinganida muxlislar tomonidan hushtakbozlik qilindi.