Tomas Frank tez orada "Tottenxem" bosh murabbiyligidan iste’foga chiqarilishi mumkin.

Indykaila News xabariga ko‘ra, "shporlar"ning ayrim futbolchilari daniyalik mutaxassis iste’foga chiqarilishiga ishonmoqda. Agar London klubi murabbiyni iste’foga chiqarishga qaror qilsa, unda jamoa unga shartnomani bekor qilgani uchun 23 million yevro tovon puli to‘lashi kerak bo‘ladi. "Tottenxem" bilan qolgan kelishuvga ko‘ra, Frankga shuncha mablag‘ to‘lanishi lozim.

Tomas Frank "Tottenxem"ni 2025 yilning yozida qabul qilib olgandi. Ayni damda "shporlar" Angliya Premyer-ligasining 21 turida 27 ochko jamg‘arib, turnir jadvalida 14-o‘rinni egallab turibdi. Kecha, 10 yanvar kuni London klubi Angliya kubogining 1/32 finali doirasida o‘z maydonida "Aston Villa"ga 1:2 hisobida imkoniyatni boy berib qo‘ydi.