«Liverpul» «Barnsli»ni 4:1 yirik hisobda mag‘lub etib, Angliya Kubogining to‘rtinchi bosqichiga yo‘l oldi. "Mersisaydliklar" darvozasiga urilgan yagona gol Dominik Soboslaining katta xatosidan keyin sodir bo‘ldi. Vengriyalik futbolchi o‘z darvozasi hududida darvozabonga tovoni bilan pas bermoqchi bo‘ldi, ammo yo‘l qo‘yilgan xatodan raqib unumli foydalandi.
O‘yindan so‘ng Soboslai shu vaziyat haqida fikr bildirdi: «Jamoadan uzr so‘rayman – vaziyatni qiyinlashtirib qo‘ydim. Bu oddiy xato edi, futbolda shunday holatlar bo‘lib turadi va biz o‘z yo‘limizda davom etamiz», — dedi Soboslai.
«Liverpul»ning navbatdagi o‘yini 17 yanvar kuni Premyer-ligada «Byornli»ga qarshi bo‘ladi.
