«Ливерпуль» «Барнсли»ни 4:1 йирик ҳисобда мағлуб этиб, Англия Кубогининг тўртинчи босқичига йўл олди. "Мерсисайдликлар" дарвозасига урилган ягона гол Доминик Собослаининг катта хатосидан кейин содир бўлди. Венгриялик футболчи ўз дарвозаси ҳудудида дарвозабонга товони билан пас бермоқчи бўлди, аммо йўл қўйилган хатодан рақиб унумли фойдаланди.
Ўйиндан сўнг Собослаи шу вазият ҳақида фикр билдирди: «Жамоадан узр сўрайман – вазиятни қийинлаштириб қўйдим. Бу оддий хато эди, футболда шундай ҳолатлар бўлиб туради ва биз ўз йўлимизда давом этамиз», — деди Собослаи.
«Ливерпуль»нинг навбатдаги ўйини 17 январь куни Премьер-лигада «Бёрнли»га қарши бўлади.
