Himoyachi Yosip Stanishich Germaniya chempionatining yakshanba kungi "Volfsburg"ga qarshi o‘yinida jarohat oldi.
"Bavariya" dushanba kuni Stanishichga qo‘yilgan tashxisni ma’lum qildi - xorvatiyalik futbolchi to‘piq bo‘g‘imini shikastlagan. Myunxenliklar 25 yoshli futbolchining tiklanish muddati haqida hech narsa ma’lum qilmagan.
Bild nashrining yozishicha, "Bavariya"dagilar Stanishichning tiklanishi uchun taxminan uch hafta kerak bo‘lishini kutishmoqda. Aniq muddatlar sog‘ayish jarayoniga bog‘liq bo‘ladi.
"Bavariya" "Volfsburg"ni 8:1 hisobida mag‘lub etdi. Myunxenliklar eng yaqin ta’qibchisini 11 ochkoga ortda qoldirib, Germaniya chempionatida yaqqol peshqadamlik qilmoqda.
