Ҳимоячи Йосип Станишич Германия чемпионатининг якшанба кунги "Вольфсбург"га қарши ўйинида жароҳат олди.
"Бавария" душанба куни Станишичга қўйилган ташхисни маълум қилди - хорватиялик футболчи тўпиқ бўғимини шикастлаган. Мюнхенликлар 25 ёшли футболчининг тикланиш муддати ҳақида ҳеч нарса маълум қилмаган.
Bild нашрининг ёзишича, "Бавария"дагилар Станишичнинг тикланиши учун тахминан уч ҳафта керак бўлишини кутишмоқда. Аниқ муддатлар соғайиш жараёнига боғлиқ бўлади.
"Бавария" "Вольфсбург"ни 8:1 ҳисобида мағлуб этди. Мюнхенликлар энг яқин таъқибчисини 11 очкога ортда қолдириб, Германия чемпионатида яққол пешқадамлик қилмоқда.
