UFC sobiq chempioni, hozirda Shon-sharaf zali a’zosi, rossiyalik Habib Nurmagomedov ispaniyalik murabbiy Xabi Alonsoning "Real Madrid" futbol klubidan iste’foga chiqarilishiga izoh berdi.
"Agar sen zalga yoki maydonga kelsang, bu jangchilarmi yoki futbolchilarmi farqi yo‘q, unda sen bosh murabbiy sifatida ishlashing kerak. Ammo jamoangizda shunday aura hukmron bo‘lsaki, hamma ham sizning talablaringizni bajara olmasa, bu sizga to‘g‘ri kelmasligi aniq.
Alonso zamonamizning eng yaxshi murabbiylari uchligiga kiradi, deb hisoblayman. Agar jamoa u bilan kelisha olmagan bo‘lsa, murabbiyni emas, o‘yinchilarni almashtirish kerak. Shunchaki, "Real"da hech bir murabbiy bunday tarkibni eplay olmasligiga ishonchim komil. Injiq o‘yinchilardan qutulish kerak," - deb yozdi Nurmagomedov ijtimoiy tarmoqda.
