UFC собиқ чемпиони, ҳозирда Шон-шараф зали аъзоси, россиялик Ҳабиб Нурмагомедов испаниялик мураббий Хаби Алонсонинг "Реал Мадрид" футбол клубидан истеъфога чиқарилишига изоҳ берди.
"Агар сен залга ёки майдонга келсанг, бу жангчиларми ёки футболчиларми фарқи йўқ, унда сен бош мураббий сифатида ишлашинг керак. Аммо жамоангизда шундай аура ҳукмрон бўлсаки, ҳамма ҳам сизнинг талабларингизни бажара олмаса, бу сизга тўғри келмаслиги аниқ.
Алонсо замонамизнинг энг яхши мураббийлари учлигига киради, деб ҳисоблайман. Агар жамоа у билан келиша олмаган бўлса, мураббийни эмас, ўйинчиларни алмаштириш керак. Шунчаки, "Реал"да ҳеч бир мураббий бундай таркибни эплай олмаслигига ишончим комил. Инжиқ ўйинчилардан қутулиш керак," - деб ёзди Нурмагомедов ижтимоий тармоқда.
