Maykl Kerrik "Manchester Yunayted" bosh murabbiyligidagi vazifasi haqida gapirdi.

13 yanvar kuni "qizil iblislar" 44 yoshli mutaxassis bilan 2025/26 yilgi mavsum oxirigacha shartnoma imzolaganini e’lon qildi.

"Manchester Yunayted"ni boshqarish mas’uliyatini o‘z zimmamga olish men uchun katta sharaf. Bu klubda muvaffaqiyatga erishish uchun nimalar talab etilishini bilaman, hozir bor e’tiborim futbolchilarning bu buyuk jamoadan kutayotgan darajaga chiqishiga yordam berishga qaratilgan", - deya Kerrikning so‘zlarini keltiradi "MYU" matbuot xizmati.

Murabbiy jamoaning hozirgi o‘yinchilarining iste’dodi, sadoqati va qobiliyatiga mutlaqo ishonishini ta’kidladi.

"Bu mavsumda biz hali kurashishimiz kerak bo‘lgan narsalar bor. Biz barchani birlashtirishga va muxlislarga ularning fidokorona qo‘llab-quvvatlashiga loyiq o‘yinni taqdim etishga tayyormiz", - deya qo‘shimcha qildi u.

Kerrik 2006 yildan 2018 yilgacha "qizil iblislar" safida o‘ynagan va jamoa bilan birga 17 ta sovrinni qo‘lga kiritgan.